A Franchiscu Carboni

A FRANCHISCU CARBONI

Da Nicola Loi - Poeta dei “TENORES DI NEONELI” OR

Franchiscu oe t'iscrio custu cantu,

pro sa memoria no est mai tardu

ca fis amante de su cantu sardu

pro custu ti lu cherzo dedicare.

T'apo connotu in su tribulare,

pro sa familia as sacrificadu

pro poder trabagliare as emigradu

e in cue puru ti as fatu onore.

De sa vida as proadu su sabore,

ad' afrontadu de cotas e cruas

e in sa vida cussas dies tuas

las as vividas solu in onestade.

Pecadu ca sa zent'e calidade,

no este acumpanzada 'e bona sorte

como chi sese in sa Divina corte

Deus t'at collocadu in logu giustu.

A cosas bonas leaias gustu,

mai de nudda fis imbidiosu

ca ses istadu semper virtudosu

pro chie fit onestu fis cuntentu.

Mai malos foeddos a su 'entu,

ti appo intesu, ca daias bantu

de bonidade unu veru ispantu.

Pecadu ca no as tentu sa salude,

e in fiore de sa gioventude

in pagu tempus ti che ses boladu

e in custu giardinus'at sicadu

un ateru fiore de beranu.

Cando bidimus su sol 'e menzanu,

su pensamentu che 'olat a tie

e t'ammentamus semper rie- rie

ca tue no nde cherias de prantu.

Franziscu oe t'iscrio custu cantu.

07 – 02 . 2009

Traduzione

A FRANCESCO CARBONI
Francesco oggi ti scrivo questo canto,
per il ricordo non è mai tardi
tu eri appassionato della poesia sarda
per questo le lo voglio dedicare.
Ti ho conosciuto al lavoro,
per la famiglia ti sei sacrificato
per poter lavorare hai emigrato
e anche lì ti sei fatto onore.
Della vita hai gustato il valore
ne hai affrontate di cotte e di crude
e nell'esistenza i tuoi giorni
hai vissuti in assoluta onestà.
Peccato che le persone di valore
non siano accompagnate dalla buona sorte
ora che sei nella Divina corte
Dio ti ha sistemato nel giusto luogo.
Ti piacevano le cose buone
mai di niente eri invidioso
sei stato sempre virtuoso
eri contento per le persone oneste.
Mai parole cattive al vento
in te esempio di bontà
una gran meraviglia
peccato che non abbia avuto salute
e nel fiore della gioventù
in poco tempo sei volato
e in questo giardino si è seccato
un altro fiore di primavera.
Quando vediamo il sole del mattino
il pensiero vola da te
e ti ricordiamo sempre sorridente
poiché tu non volevi lacrime.
Francesco oggi scrivo per te questo canto.

07 – 02 – 2009 Nicola Loi