Dedica

A dottor Luciano Serra

da Sebastiano Careddu - poeta dilettante - Biella 6 - 01 – 1976

1

Salve o dottor Serra Lucianu

Tie ses su magu de sa meghina sese

Arrivadu sese de logu lontanu

Pro ponnere su male in disciplina

Su votu tou est a torrare sanu

A chi su male l'ha fattu rovina

Tie faghes ogni sforzu ogni mediu

A su male de agattare su rimediu.

2

Tie ses magnanimu e decorosu

Astutu, altulocadu e persona digna

In su mestieri ti rendes valorosu

Onore faghes a tottu sa Sardigna

Tue ses personaggiu misteriosu

In custa terra amabile e benigna

Persona digna, amabile e onorada

Armoniosa, civile e omidada

3

Bastianu ti rendede sos meritoso

Prite, ca tilus asa meritadoso

Cun cuddosmodos raffinados scuisitos

De s'aspettu gentile accumpagnadoso

S'armonia tua sos chi …...

Los tenet de speranza ristoradoso

Cun s'impegnu gentile e armoniosu

Faghes su sofferente speranzosu

4

Tue arcubalenu de variu pintu

Ses nadu in sa zona sardignola

Sa battaglia cun sa morte tue as bintu

Su moribundu gasie lu consola

Su paziente a sa morte custrintu

Anima e corpusu l'anda bola bola

Ca tottus semus suggettos a sa morte

Gasie s'at destinadu sa mala sorte

5

Tie ses abbabile tantu e puntuale

Utile si rende sa tua presenzia

A chie est colpidu de grave male

Su rimediu chilcas de urgenzia

Comente sa cristiana dottrina morale

In su maleribelle usa sa potenzia

In tue sa dottrinche morale cristiana

S'acumpaga che rimediu chi su male sana

6

Amore tenese a su sufferente

E de lu curare ti leas premura

In custu biellesu ambiente

Incuinadu e pienu de malura

Custu est de su male su movente

Ch'est longa sa stagione de sa fridura

In pianuras e montagnas tottu gantu

B'est su riflessu de s'invernale mantu

7

A tie dedico custa poesia

Preghendeti de coro a miscusare

Deo puru s'ho colpidu de maladia

Preocupadu ca non potto curare

S'interessamentu valore no assumia

Meighina non s'agatta pro sanare

Unu male , gasie forte e ostinadu

Chi non tenere farmacu preparadu

8

Cunfortare mi potto ca non so solu

Pienu dae male e sofferenzia

Penzo chi pro medas esista in dolu

Chi supportare si deve cun passienzia

Ma est peus candu est tottu in su malu

Su scorciu de sa vida chere prudenzia

Ca finas e in s'ou agatta su pilu

Chie de sa salude perde su vilu

9

Sa salude est s'unica ricchesa

Su meritu b'este de la risparmiare

Ma chie chilca de sind'abusare

Sa salude sila perde cun lestresa

Mai non si torrat a concuistare

Cussa salubre e migliore impresa

Si de manu s'impresa l'est fuida

Tenet s'infermidade pro tottu vida

10

Custu cordiale auguriu meu

A tottu sos viventese già l'imploro

A su pazienti chi l'assista Deu

Chie est sanu l'auguro dae coro

Salude felicidade cun su recreu

Lus' acumpagnet in sa vida insoro

De ogni bene chi Deus ha lassadu

Pro chi tottus sidesseren gosadu

E pro Tue Lucianu Dottor Serra

Salude e fortuna tenzas in custa terra.

Tutti i diritti riservati@